دیگر جانداروں پر کیے گئے تجربات سے ثابت ہوا ہے کہ ایسا آلہ جو کہ گھٹنوں میں برقی لہروں کی ترسیل کرے گا، جوڑوں کے مرض osteoarthritis کے علاج میں معاون ثابت ہوسکتا ہے۔
ماہرین کے مطابق گھٹنوں میں کم شدت کی حامل برقی لہروں کی ترسیل خراب ہورہے غضروف (گھٹنوں کی نرم ہڈیوں) کو ٹھیک کرسکتی ہے۔
اوسٹیو آرتھرائٹس گھٹنوں میں اس درد کی حالت کو کہا جاتا ہے جو عمر رسیدہ افراد کو عمومی پیش آتی ہے۔ اس میں گھٹنوں کی دونوں ہڈیوں کے درمیان ایک نرم ہڈی موجود ہوتی ہے جو ان دونوں کی آپسی رگڑ کو روکتی ہے۔ آرتھرائٹس میں یہ نرم ہڈی عمر ڈھلنے کے ساتھ ساتھ خراب ہوتی چلی جاتی ہے۔
کئی علاج کے طریقے تجربات کے مراحل میں ہیں جس میں نئی ادویات، خام خلیے (stem cells) جو کہ تقسیم در تقسیم کی صلاحیت کے حامل ہوتے ہیں، شامل ہیں تاہم کچھ تحقیقات ظاہر کرتی ہیں کہ برقی امپلانٹس اس نرم ہڈی کے خلیوں کو خود اپنی تعداد تعداد بڑھانے میں مدد دے سکتے ہیں۔
بشکریہ ایکسپریس نیوز