گلگت(پ ر) آئی ایس ایف گلگت بلتستان کے رہنماء و سوشل میڈیا پی ٹی آئی کے رہنماء بابر علی مغل نے کہا ہے کہ رواں ہفتے ایم ایس ایف اور پی ایس ایف مجینی محلہ، ناپورہ ، امپھری اور حیدر پورہ سے کے رہنماوں کی بڑی شمولیت ہوگی ایم ایس ایف اور پی ایس ایف کے بڑی وکٹیں گرائی جائینگی ۔ انہوں نے میڈیا کو جاری کئے گئے بیان میں کہا کہ طلباء تنظیموں کے رہنماء سیاست میں دلچسپی لیتے ہوئے تبدیلی کا حصہ بن رہے ہیں اور مورثی سیاست سے تنگ افراد گلگت بلتستان میں تبدیلی چاہتے ہیں اور نئے شامل ہونے والوں سے مزید پارٹی مظبوط ہوگی ۔
انہوں نے کہا کہ موجودہ و ماضی کی حکومتوں نے طلباء کے مسائل کو حل نہیں کیا اور طلباء کو در در کی ٹھوکریں کھانے پر مجبور کیا گیا اور ڈگری ہولڈرز بے روزگاری سے تنگ آئے ہیں ہر سرکاری محکمے میں میرٹ کے خلاف کام ہورہا ہے نوجوان نسل کو مایوسی کی طرف دھکیلا گیا ہے
لیکن پاکستان تحریک انصاف ان تمام محرومیوں کا ازالہ کرے گی اس کے ساتھ طلباء کے جو بھی مسائل ہیں ان کو ترجیحی بنیادوں پر حل کرے گی رواں ہفتے پی ٹی آئی کا حصہ بننے والے افراد کا بھرپور انداز میں استقبال کیا جائے گا اور پارٹی میں خوش آمیدید کیا جائے گا ۔
About The Author
