daily rehbar gb daily rahbar gilgit baltistan newspaper epaper of gilgit baltistan
گلگت بلتستان بھر میں تعلیمی ادارے آج سے کھولنے کا اعلان
گلگت: سیکرٹری محکمہ تعلیم گلگت بلتستان عثمان احمد نے اعلان کیا ہے کہ گلگت بلتستان بھر میں سرکاری و نجی تعلیمی ادارے یکم اپریل سے باقاعدہ طور پر کھول دیے جائیں گے اور تدریسی سرگرمیاں مکمل طور پر بحال ہوں گی۔
حکام کے مطابق اس فیصلے کا مقصد تعلیمی سلسلے کو بحال رکھنا اور طلبہ کو دوبارہ تعلیمی ماحول سے جوڑنا ہے تاکہ تعلیمی سال میں مزید خلل پیدا نہ ہو۔ انہوں نے اس بات پر زور دیا کہ بروقت تعلیمی اداروں کا کھلنا طلبہ کی تعلیمی پیش رفت کے لیے نہایت ضروری ہے۔
سیکرٹری تعلیم نے والدین سے اپیل کی ہے کہ وہ تعلیم کو سنجیدگی سے لیں اور بچوں کی پہلے ہی دن سے باقاعدہ حاضری یقینی بنائیں۔ ان کا کہنا تھا کہ مختلف وجوہات کے باعث پہلے ہی قیمتی تعلیمی وقت ضائع ہو چکا ہے، اس لیے آئندہ مکمل حاضری برقرار رکھنا ناگزیر ہے۔
محکمہ تعلیم نے اس عزم کا اعادہ بھی کیا کہ نظامِ تعلیم کو بہتر بنانے اور جدید تقاضوں سے ہم آہنگ سازگار تعلیمی ماحول فراہم کرنے کے لیے اقدامات جاری رہیں گے۔ تمام تعلیمی اداروں کی انتظامیہ کو ہدایت جاری کر دی گئی ہے کہ وہ اداروں کی بحالی کے لیے ضروری انتظامات مکمل کریں تاکہ یکم اپریل سے تعلیمی سرگرمیوں کا آغاز مؤثر اور منظم انداز میں ہو سکے۔
About The Author
