daily rehbar gb daily rahbar gilgit baltistan newspaper epaper of gilgit baltistan
سکردو(پ ر) تحریک انصاف میڈیا سروس سینٹر ڈویژنل سیکریٹریٹ بلتستان کی طرف سے جاری ہونے بیان میں کہا گیا ہے شہزاد آغا کےلیے اس سے بڑی بےعزتی کی بات اور کوئی نہیں کہ انہیں الیکشن میں مہدی شاہ کو ووٹ دینا ہے۔بیان میں مزید کہا گیا ہے کہ جو شخص صبح میں مذہب پرست ، دوپہر میں قوم پرست اور رات میں وفاق پرست بن جائے اس سے بڑھ کر لوٹا کوئی اور کیسے ہوسکتا ہے۔ شہزاد آغا جیسے لوٹے اپنے مستقبل میں جھانک کر بات کریں، تمام سیاسی جماعتوں سے ہوتا ہوا پیپلزپارٹی میں پہنچنے والا اپنے سیاسی قد سے ناواقف ہے۔
بیان میں مزید کہا گیا ہے کہ جس شخص کی موجودگی میں یادگار چوک میں پیپلزپارٹی کو چوروں اور لٹیروں کی جماعت کہا گیا اس کا جیالا پن چلاس میں کی گئی تقریر پر کیسے جاگ گیا ۔ شہزاد آغا کو امجد ایڈوکیٹ پر تنقید بری لگتی ہے اور مہدی پر تنقید پر وہ لڈو بانٹتے ہیں۔
مہدی شاہ کا گذشتہ بیان شہزاد آغا کےلیے کافی ہے جس میں مہدی شاہ نے یادگار چوک پر شہزاد آغا کے سامنے پیپلزپارٹی کو چور لٹیروں کی جماعت کہنے پر خاموشی اختیار کرنے پر انہیں غدار کہا ہے۔
About The Author
