گلگت (جنرل رپورٹر) معروف کاروباری، سیاسی و سماجی شخصیت و سابق صدر نگر چیمبر آف کامرس اینڈ انڈسٹری محمد علی قائد وفاق ایوان ہائے صنعت و تجارت پاکستان کے نائب صدر منتخب ہوگئے
محمد علی قائد کو وفاق ایوان صنعت و تجارت پاکستان کے نائب صدر کیلئے یونائیٹڈ بزنس گروپ کی طرف سے امید وار تھے جو کہ بلا مقابلہ نائب صدر منتخب ہوگئے محمد علی قائد گلگت بلتستان کے مشہور و معروف کاروباری، سماجی شخصیت ہے اسے پہلے صدر جی بی امپورٹرز اینڈ ایکسپورٹر ز ایسوسی ایشن جی بی کے صدر،نگر چیمبر آف کامرس اینڈ اندسٹری کے بانی اور بطور صدر بھی اپنی خدمات سرانجام دے چکے ہیں گلگت بلتستان کے تاجروں کے مسائل کے حل کیلئے ہمیشہ پیش پیش رہے ہیں اور اپنے اقدامات کے ذریعے جی بی کے مسائل اجاگر کرتے ہوئے ان کے حل میں بھرپور اور بہترین کردارد ادا کرتے رہے ہیں، ایف پی سی سی آئی کے بلا مقابلہ نائب صدر منتخب ہونے کے بعد میڈیا سے بات چیت کرتے ہوئے محمد علی قائد نے کہا کہ وفاق ایوان ہائے صنعت و تجارت میں جی بی کو نمائندگی ملنا اعزاز کی بات ہے یونائٹیڈ بزنس گروپ کی طرف سے نائب صدارت کیلئے منتخب کرنے پر ان کا شکریہ ادا کرتے ہیں کاروباری اور تاجر برادری کے مسائل کے حل خصوصی طور پر گلگت بلتستان کے تاجروں کے مسائل کو قومی و وفاقی سطح پر اٹھایا جائے گا، اور ان کے مسائل کے حل کیلئے بھرپور کردار ادا کرتا رہوں گا۔
