گلگت(اسپیشل رپورٹر)پیپلز پارٹی گلگت بلتستان خواتین ونگ کی سینیر نائب صدر ذبیدہ زینت شاہ نے کہا ہے کہ میں پیپلزپارٹی کی نظریاتی کارکن ہوں پیپلزپارٹی کو چھوڑ کر کسی اور جماعت میں شامل ہونے کی سوچ بھی نہیں سکتی میری پیپلزپارٹی کو چھورنے اور تحریک انصاف میں شامل ہونے کی خبروں میں کسی قسم صداقت نہیں ہے میری تحریک انصاف میں شامل ہونے کی خبریں گمراہ کن ہے ان کا حقائق سے کوئی تعلق نہیں ہے
میرا جینا مرنا پاکستان پیپلزپارٹی کے ساتھ ہے اور جی بی کے لیے پیپلزپارٹی اور ذوالفقار علی بھٹو کے بے شمار احسانات ہیں جن کو کھبی بھی فراموش نہیں کیا جاسکتا ہے پیپلزپارٹی واحد جماعت ہے جو یہاں کے عوام کےحقوق اور مفادات کا تحفظ کرے گی باقی تمام سیاسی و مذہبی جماعتیں گلگت بلتستان کے عوام کے مفادات کی بجائے ذاتی مفادات کو ترجیح دیتے ہے۔حق ملکیت و حق حاکمیت کا نعرہ کھوکھلا نعرہ نہیں ہے
بلکہ یہ گلگت بلتستان کے 20لاکھ عوام کی آواز ہے۔ حق ملکیت اس وقت گلگت بلتستان کا سب سے بڑا مسئلہ ہے زمینوں پر بے جا قبضے عوام میں انتشار کا باعت بن رہا ہے۔ انشاء اللہ پارٹی کے پلیٹ فارم حق ملکیت و حق حاکمیت کی بھر پو آواز اٹھاونگی اور ایک بار پھر ڈنکے کی چوٹ پر کہتی ہوں پیپلزپارٹی کے ساتھ ہی جینا مرنا ہے کسی اور جماعت میں شمولیت کا سوال ہی پیدا نہیں ہوتا۔
About The Author
