لاہور: معاون خصوصی شہبازگل کا کہنا ہے کہ شہباز اور حمزہ شاہی مہمان نہیں عوامی مجرم ہیں، کرپشن میں گرفتار خصوصی سہولیات کی امید نہ رکھیں۔
وزیراعظم کے معاون خصوصی شہباز گل کا کہنا ہے کہ بیماری اور میت پر سیاست کرنے والے دراصل پست سوچ کے حامل ہیں، کورونا اور پی ڈی ایم کی ناکامی کے بعد میت پر سیاست ن لیگ کا آخری حربہ ہے، معیشت کی مثبت اشارے درباریوں کے منہ پر تمانچہ ہیں۔
معاون خصوصی نے کہا کہ صبح شام دن رات اٹھتے بیٹھتے شہباز شریف کی بیماری اور پے رول پر بات کرنا (ن) لیگی ترجمان کا ہدف ہے، شہباز اور حمزہ شاہی مہمان نہیں عوام کے مجرم ہیں، ان کی پے رول پر رہائی وضع طریقہ کار کے مطابق ہی ہوگی، کرپشن میں گرفتار خصوصی سہولیات کی امید نہ رکھیں۔
بشکریہ ایکسپریس نیوز
About The Author
