برکلے، کیلیفورنیا: ایپل نے اپنے نئے وائرلیس ایئرپوڈز کا اعلان کردیا ہے جو درحقیقت آئی فون کے کئی ماڈلوں سے بھی مہنگے ہیں۔
منگل کے روز ایپل نے وائرلیس ایئرپوڈ میکس کا اعلان کردیا ہے جس کی قیمت 549 ڈالر رکھی گئی ہے جو اس کمپنی کے کئی ٹیبلٹ اور مشہور فون سے بھی مہنگا ہے۔ لیکن ایپل پرامید ہے کہ ماہِ دسمبر کی چھٹیوں میں لوگ اسے خریدیں گے۔ اس کی وجہ یہ ہے کہ اچھے ہیڈ فون بھی یہ کام کرتے ہیں لیکن نیا ایئرپوڈ میکس ماڈل انتہائی جدید ہے اور شور کم کرنے کی صلاحیت رکھتا ہے۔ بوش کمپنی کے تیارکردہ ایسے ہی ایئرپوڈ کی قیمت اس وقت 340 ڈالر کے لگ بھگ ہے۔
اس کی ایک وجہ یہ بھی ہے کہ اس سال کی آخری سہ ماہی میں آئی فون کی فروخت 3 فیصد کم ہوئی ہے لیکن دیگر آلات کی فروخت میں 16 فیصد اضافہ ہوا ہے۔ شاید اسی وجہ سے ایپل نے اپنے ایئرپوڈ کو مزید جدید بنانے کا کام کیا ہے۔
بشکریہ ایکسپریس نیوز
About The Author
