۔ ضلع دیامر کی مشہور و معروف سیاسی شخصیت حاجی عبد العزیز نے ہزاروں کارکنان کے ساتھ پاکستان تحریک انصاف میں شمولیت اختیار کر لی۔صوبائی سیکرٹری اطلاعات اکبر حسین اکبر کی جانب سے جاری کردہ پریس ریلیز کے مطابق صوبائی سیکرٹریٹ گلگت میں ایک پروقار تقریب منعقد ہوئی۔ تقریب میں صوبائی صدر سید جعفر شاہ اور کابینہ کے دیگر ممبران نے نئے شامل ہونے والے کارکنان کو خوش آمدید کہا اور پھولوں کے ہار پہنائے۔
اس موقعہ پر حاجی عبد العزیز نے صوبائی صدر سید جعفر شاہ کی قیادت پر بھرپور اعتماد کا اظہار کیا اور امید ظاہر کی کہ 2020 کے انتخابات میں پاکستان تحریک انصاف گلگت بلتستان میی اکثریتی پارٹی بن کے ابھرے گی اور اپنی حکومت قائم کرےگی۔ ان کا مذید کہنا تھا کہ ضلع دیامر میں ماضی کی حکومتوں نے کوئی توجہ نہیں دی جس کی وجہ سے یہ ضلع پسماندہ رہا اب پاکستان تحریک انصاف ضلع دیامر کو ترقی اور خوشحالی کی راہ پر گامزن کرے گی۔
اس موقعہ پر صوبائی صدر سید جعفر شاہ نے تقریب سے خطاب کرتے ہوئے کہا کہ ضلع دیامر میں تحریک انصاف حاجی عبد العزیز کی قیادت میں مذید مضبوط ہوگی۔ اس موقعہ پر انھوں نے حاجی عبد العزیز اور ان کے ساتھیوں کو خراج تحسین پیش کیا۔
About The Author
