وزیر اعظم پاکستان عمران خان کی ہدایت پر ملک بھر کی طرح گلگت بلتستان کے ضلع استور کی خواتین اور طالبات نے بھی کشمیری مظلوم خواتین کے ساتھ یکجحتی کا اظہار کرتے ہوے ریلیاں نکالیں اور ظالم قابض ہندوستانی حکومت کے خلاف شدید نعرہ بازی کی ہائی سکول برائے طالبات فینہ استورکی پرنسپل ریحانہ بتول کی قیادت میں طالبات کی جانب سے نکالی گئی ریلی میں طالبات نے ھندوستان کے خلاف پلے کارڈز اٹھا رکھے تھے جن پر عالمی برادری سے مطالبات درج تھے کہ وہ کشمیر میں جاری ظلم و بر بریت کا نوٹس لیں اور فوری اقدامات کریں
اس موقع پر پرنسپل ریحانہ بتول نے خطاب کرتے ہوئے کہا کہ کشمیر میں خواتین اور بچوں پر ظلم کے پہاڑ توڑے جا رہے ہیں مگر عالمی برادری کی خاموشی مایوس کن ہے
ہم گلگت بلتستان کی خواتین اپنی کشمیری ماوں بہنوں کے دکھ درد میں برابر کی شریک ہیں اور ہم سے جو بن پائے گا ھم کریں گے اور ہم کشمیری مظلومین کی آواز کو دبنے نہیں دیں گے اور یہاں کی سنگلاخ چٹانوں میں بسنے والی خواتین بھی اپنی آواز سے عالمی برادری کے ضمیر کو جگانے کی کوشش کریں گے۔