پاکستان کی عالمی شہرت یافتہ اداکارہ ماہرہ خان اس وقت فرانس کے دارالحکومت پیرس میں موجود ہیں جہاں وہ لورئیل پیرس فیشن ویک 2019 میں پہلی بار شرکت کریں گی۔
ماہرہ خان گزشتہ برس لورئیل پاکستان کی برانڈ ایمبیسیڈر بنی تھیں اور اس سال وہ لورئیل پیرس فیشن ویک 2019 میں پہلی مرتبہ بطور برانڈ ایمبیسیڈر لورئیل پاکستان ریمپ پر واک کریں گی۔
گزشتہ برس اداکارہ نے ’بین الاقوامی کانز فلم فیسٹیول‘ میں بھی جلوے بکھیرے تھے اور اب وہ ’پیرس فیشن ویک‘ 2019 میں ریمپ پر واک کریں گی۔
ادکارہ اپنی سرگرمیوں کے حوالے سے چاہنے والوں کو سوشل میڈیا کے ذریعے اپ ڈیٹ کر رہی ہیں، اس کے ساتھ ماہرہ سیر سپاٹوں کی خوبصورت تصاویر اور ویڈیوز بھی شیئر کر رہی ہیں جنہیں خوب سراہا جا رہا ہے۔
ماہرہ خان نے گزشتہ روز انسٹاگرام پر ایک اسٹوری اپ ڈیٹ کرتے ہوئے بتایا کہ پہلی مرتبہ خود لپ اسٹک تیار کی ہے جب کہ سوشل میڈیا پر ان کے ایک فین پیج کی جانب سے لپ اسٹک تیار کرتے دوران کی ویڈیو بھی شیئر کی گئی ہے۔
ویڈیو میں دیکھا جاسکتا ہے کہ ماہرہ خان کے ساتھ دیگر بین الاقوامی شوبز شخصیات بھی موجود ہیں جو ان کے ساتھ اپنے اپنے لپ اسٹک شیڈز تیار کر رہی ہیں۔
بعدازاں ماہرہ خان نے ایک ویڈیو اسٹوری شیئر کرتے ہوئے کہا کہ وہ پہلی مرتبہ ’اسیمیاکی فیشن شو‘ میں شرکت کرنے جا رہی ہیں جس کے لیے وہ پُرجوش ہیں۔
چونکہ ماہر خان فیشن آئیکون ہیں یہی وجہ ہے کہ وہ مختلف فیشن اسٹائل میں خوبصورتی سے جچتی ہیں ایسے مین اسیمیاکی فیشن شو میں جانے کے لیے سپر اسٹار نے اسپین کے روایتی کیپ فیشن کو اپناتے ہوئے سفید رنگ کا سلک کا لباس زیب تن کیا۔
فیشن شو میں شرکت کے لیے اداکارہ نے اپنی بنائی ہوئی لپ اسٹک لبوں پر بھی بکھیری۔
فیشن شو میں شرکت کے موقع پر اداکارہ نے بین الاقوامی میڈیا کو انٹرویو بھی دیا اور کہا کہ وہ پاکستان کی نمائندگی کرنے پر فخر محسوس کرتی ہیں۔
ان سب کے علاوہ ماہرہ خان کو دیگر ساتھیوں کے ساتھ پیرس کے مشہور ایفل ٹاور کی سیر و سیاحت کرتے دیکھا گیا جہاں وہ رقص بھی انجوائے کر رہی ہیں۔
About The Author
