گلگت بلتستان حکومت نے چیف الیکشن کمشنر کے نوٹیفکیشن پر نظرثانی کی درخواست دائر کرنے کا فیصلہ کر لیا۔
یہ فیصلہ وزیر اعلیٰ گلگت بلتستان حاجی گلبر خان کی زیر صدارت حکومتی اور اپوزیشن اراکین اسمبلی کے مشترکہ اجلاس میں کیا گیا۔
اجلاس کے دوران صوبائی سیکریٹری قانون اور ایڈووکیٹ جنرل گلگت بلتستان نے اراکین کو الیکشن کمیشن کے حالیہ نوٹیفکیشن پر تفصیلی بریفنگ دی۔
اجلاس میں صوبائی کابینہ کا ہنگامی اجلاس فوری طور پر بلانے کا فیصلہ بھی کیا گیا۔
یاد رہے کہ گزشتہ روز الیکشن کمیشن گلگت بلتستان نے الیکشن 2026 کے شفاف انعقاد کے لیے ایک حکم نامہ جاری کیا تھا،
جس کے تحت صوبائی حکومت کے تمام ترقیاتی اور انتظامی اختیارات منجمند کر دیے گئے تھے۔
اس فیصلے کے بعد حکومت کی جانب سے
ترقیاتی منصوبوں، تبادلوں اور انتظامی سرگرمیوں پر پابندی عائد ہو گئی تھی۔
ترجمان صوبائی حکومت کے مطابق
اجلاس میں متفقہ طور پر فیصلہ کیا گیا کہ
ایڈووکیٹ جنرل گلگت بلتستان الیکشن کمیشن کے نوٹیفکیشن کے خلاف
نظرثانی کی درخواست دائر کریں گے۔
گلگت بلتستان کی صوبائی حکومت اور اپوزیشن اراکین اسمبلی کے مشترکہ اجلاس میں حکومت اور اپوزیشن کے نمائندوں نے
اس بات پر اتفاق کیا کہ الیکشن شفاف ہونے چاہئیں،
تاہم صوبائی حکومت کے اختیارات کی مکمل معطلی انتظامی امور پر منفی اثر ڈال سکتی ہے۔
About The Author
