گلوکار و اداکار علی ظفر نے بلوچستان کی نوجوان گلوکارہ عروج فاطمہ کی خواہش پوری کردی۔
تفصیلات کے مطابق گلوکار و اداکار علی ظفر اور ان کی مداح نے بلوچی میں ساتھ گانا گیا جو سوشل میڈیا پر خوب وائرل ہورہا ہے، کوئٹہ کی بارہ سال عروج فاطمہ نے علی ظفر کے ساتھ گانا گانے کی خواہش کی تھی۔
علی ظفر نے سوشل میڈیا پر ینگ ٹیلنٹنڈ گلوکارہ کو متعارف کروایا ہے، بلوچی گانے ’لیلا او لیلا‘ کو صرف چند گھنٹوں میں ایک لاکھ 28 ہزار سے زائد بار دیکھا جاچکا ہے۔
علی ظفر نے سماجی رابطے کی ویب سائٹ ٹویٹر پر کہا کہ آج عروج فاطمہ ڈیبیو کرنے جارہی ہیں، 12 سالہ عروج کا تعلق خوبصورت خطے بلوچستان سے ہے، اس ویڈیو کو دیکھ کر آپ جان جائیں گے خواہ لڑکا ہو یا لڑکی آپ کو اپنے دل اور خوابوں کی بات کیوں ماننی چاہئے۔
Presenting “Laila-O-Laila” featuring the extremely talented @uroojfatima88. #Balochistan is ❤️. pic.twitter.com/R5jNZac7rQ
— Ali Zafar (@AliZafarsays) October 12, 2019
َ
واضح رہے کہ علی ظفر کے ساتھ گانا گانے کے لیے عروج فاطمہ کو بے چینی سے انتظار تھا انہوں نے 9 اکتوبر کو ٹویٹ کرتے ہوئے لکھا تھا کہ ’مجھ سے انتظار نہیں ہورہا ہے، جمعہ کے دن کے لیے تیار رہیں۔
نوجوان گلوکارہ نے علی ظفر کی جانب سے سپورٹ کیے جانے پر ان کا شکریہ ادا کیا۔
Can’t wait More be ready on Friday Laila o Laila song with @AliZafarsays M very Happy thankuu Ali bhai for ur support and love. You are a inspiration for me 🎸😍 pic.twitter.com/LIe3WR03dE
— Urooj Fatima (@UroojFatima88) October 9, 2019
َ
یاد رہے کہ کچھ عرصہ قبل علی ظفر نے ایک نوجوان گلوکار یشال شاہد کو متعارف کروایا تھا اور ان کے ساتھ ’سجنا‘ گانا گایا تھا جس کو مداحوں نے بہت پسند کیا تھا۔
About The Author
