نگر :- (پ ر) اسسٹنٹ کمشنر / چیئرمین پرائس کنٹرول کمیٹی نگر حسین شاہ کی زیر صدارت آج اے سی آفس نگر میں پرائس کنٹرول میٹنگ منعقد ہوئی۔ اس میٹنگ میں ایس ڈی پی او نگر ، تحصیلدار ایچ ہیڈکوارٹر نگر ، تحصیلدار نگر 1 ، ایس ایچ او سکندرآباد ، نیوٹریشن آفیسر ، انجمن تاجران کے نمائندوں وغیرہ نے شرکت کی جس میں موجودہ ریٹس کی شرح وغیرہ کی جانچ پڑتال کی گئی اور تمام فریقین کے باہمی اتفاق رائے سے نئے نرخ نامہ جاری کردیا گیا۔
پنجاب فوڈ اتھارٹی کی ہدایات کے مطابق ، علاقے میں مختلف کھانا پکانے والے تیلوں پر پابندی عائد ہے۔ مجسٹریٹ اور پولیس کو ہدایت کی گئی ہے کہ وہ مقررہ نرخوں پر عمل درآمد کو یقینی بنائیں اور ناقص اشیاء کے خلاف سخت کارروائی کریں۔ بازاروں میں روزانہ کی بنیاد پرچیکنگ کو یقینی بنایا جائے گا۔ خلاف ورزی کرنے والوں کے ساتھ قانون کے مطابق سختی سے نمٹا جائے گا۔
