یریوان: آرمینیا نے آذربائیجان کے ساتھ جنگ بندی کے لیے مشروط رضامندی کا اظہار کرتے ہوئے کہا ہے کہ امریکا، روس اور فرانس کی ثالثی میں جنگ بندی کے لیے تیار ہیں۔
عالمی خبر رساں ادارے کے مطابق آرمینیا کی وزارت خارجہ کی جانب سے جاری بیان میں کہا گیا ہے کہ جنگ بندی کے معاملے پر اقوام متحدہ، امریکا، روس اور فرانس کے ساتھ مل کر کام کرنے کو تیار ہیں۔
یہ خبر پڑھیں : روس کی آذربائیجان اور آرمینیا کو جنگ بندی کیلئے مذاکرات کی پیشکش
آرمینیا کی وزارت خارجہ نے بیان میں مزید کہا کہ یورپ میں تنازعارت کو حل کرنے والی تنظیم او ایس سی ای کے ذریعے اس مسئلے کو حل کیا جاسکتا ہے اور ہم جنگ بندی پر رضامند بھی ہوسکتے ہیں تاہم ناگورنو-کاراباخ پر کسی بھی ملک کی جارحیت کو ہمارا سخت جواب ملتا رہے گا۔
یہ خبر پڑھیے: آرمينيا اور آذربائيجان کی افواج آمنے سامنے، مسلح جھڑپ میں ہلاکتوں کا خدشہ
آرمینیا کی جانب سے جنگ بندی کا عندیہ اس وقت سامنے آیا ہے جب نارگورنو-کاراباخ میں ترکی نے آذربائیجان کی حمایت کی اور مزید 54 آرمینیائی فوجی ہلاک ہوئے جس کے نتیجے میں ہلاکتوں کی تعداد 158 ہوگئی ہے جب کہ آرمینیا کی گولہ باری سے آذربائیجان کے 19 شہری جاں بحق ہوئے۔
بشکریہ ایکسپریس نیوز
