گلگت: پاکستان تحریک انصاف گلگت بلتستان کی سنیئر رہنما ساجدہ صداقت نے میڈیا کو جاری اپنے بیان میں کہا کہ وزیر اعظم پاکستان عمران خان نے 22 سال جس مقصد کے لئے جدوجہد کی اور لوگوں میں شعور پیدا کیا اس کی وجہ سے ملک کے بڑے بڑے مگرمچھ جنہوں نے کرپشن کر کے پاکستان کو لوٹا ان کو جیلوں تک پہنچایا،
وزیر اعظم عمران خان کی حکمت عملی اور نیب کا ایکشن نواز شریف، آصف زرداری کے ساتھ ساتھ ان کے فرنٹ مین بھی جیلوں کی سلاخوں میں جا چکے ہیں،
ساجدہ صداقت نے مزید کہا کہ جب میٹر ریڈر اور پٹواری سیاست میں آکر اربوں کے مالک بنیں اور عوام کی زندگی بدتر سے بدتر ہو تو پھر ملک تنزلی کا طرف جاتا ہے،
چئیرمین نیب اور نیب کی ٹیم خراج تحسین کے مستحق ہیں جنہوں نے ایک ایک چور کو پکڑ کے جیلوں میں ڈالا اور کل خورشید شاہ میٹر ریڈر کی چوری پکڑی گئی اور جیل پہنچا تو سب کی چیخیں نکل گئی.
پاکستان تحریک انصاف نے جس طرح ملک سے چوروں اور لٹیروں کا صفایا کیا ہے اسی طرح اب گلگت بلتستان میں بھی بہت جلد سابق اور موجودہ حکومت نے اپنے فرنٹ مینوں کے زریعے لوٹا ان سب کا احتساب ہوگا. پیپلز پارٹی اور مسلم لیگ ن کی وفاق کیساتھ ساتھ گلگت بلتستان میں بھی چیخیں نکل چکی ہیں،
پیپلزپارٹی نے محکمہ تعلیم میں اقرباء پروری کر کے تعلیم جیسے شعبے کو برباد کر دیا اسی طرح مسلم لیگ ن نے محمکہ صحت اور ترقیاتی کاموں میں کرپشن اور اپنوں کو نوازتے رہیں ہیں مگر اب سید جعفر شاہ اور کابینہ کی قیادت میں تحریک انصاف ان چوروں کو بھی منارور جیل کی سیر کرائے گی.
About The Author
