سکردو(ایس ایس ناصری) مظلوم کشمیریوں کی حمایت میں سکردو میں جگہ جگہ احتجاج، کشمیر بنے گا پاکستان کے فلک شگاف نعرے ، سکردو پریس کلب کے باہر پاکستان تحریک انصاف کے زیر اہتمام احتجاج پاکستان تحریک انصاف کے صوبائی ایڈیشنل جنرل سکرٹیری تقی اخونزادہ ، پاکستان تحریک انصاف کی رہنماء آمنہ انصاری ، جنرل سکرٹیری غلام حیدر بلتت سمیت کارکنوں کی بڑی تعداد نے شرکت کی ،
پاکستان تحریک انصاف کے کارکنوں نے مظلوم کشمیریوں کے حق میں نعرے لگائے ، اورغاصب بھارتی افواج اور مودی کے خلاف بھی نعرہ بازی کی ، تقی اخونزادہ ، آمنہ انصاری ، حیدر بلتت اور خواجہ مدثر اور دیگر نے اس موقع پر کارکنوں سے خطاب کرتے ہوئے کہا کہ ہم ہر فورم پر مظلوم کشمیری بھائیوں کی حمایت جاری رکھیں گے ،
مودی تاریخ کا سب سے بڑا ظالم ہے بھارتی افواج نے ظلم و بربریت کے تمام ریکارڈ توڑ دئیے ہیں کشمیر کی صورتحال پر بین الاقوامی اداروں کی پر اسرار خاموشی سمجھ سے بالاتر ہے ، وزیر اعظم پاکستان عمران خان کے ساتھ کھڑے ہیں ،
عمران خان کشمیری بھائیوں کے ساتھ کھڑے ہیں اور تحریک انصاف کا ہر کارکن مظلوم کشمیری بھائیوں کے ساتھ ہیں ، کشمیر پر بھارتی تسلط کے خاتمے تک احتجاج کا سلسلہ جاری رکھا جائے گا ،
تقی اخونزادہ آمنہ انصاری اور دیگر نے اس موقع پر صدر پریس کلب سکردو ذیشان مہدی کو قرارداد بھی پیش کی ۔
About The Author
