317

آغا علی رضوی کا گٹی داس سانحے پر تین روزہ سوگ کا اعلان، زخمیوں کیلئے عوام سے دعا کی اپیل

اسکردو : مجلس وحدت مسلمین پاکستان گلگت بلتستان کے سیکرٹری جنرل آغا علی رضوی نے گٹی داس دیامر میں ہونے والے سانحے پر گہرے دکھ کا اظہار کرتے ہوئے تین روزہ سوگ کا اعلان کردیا ہے۔ انہوں نے کہا ہے کہ حالیہ سانحے کا شمار گلگت بلتستان کے بڑے سانحوں میں ہوتا ہے جس میں سویلین اور پاک فوج کی بڑی تعداد جاں بحق اور زخمی ہوئے ہیں۔ انہوں نے کہا کہ جاں بحق مسافرین کے لواحقین کے حضور تسلیت و تعزیت پیش کرتے ہیں اور دکھ کی اس گھڑی میں خطے کا ہر فرد متاثرین کے ہمراہ کھڑا ہے۔

آغا علی رضوی نے کہا کہ خطے کے عوام زخمی مسافرین کی جلد صحت یابی اور گھروں تک صحت و سلامتی کے ساتھ واپسی کے لیے مساجد و امام بارگاہوں اور عبادگاہوں میں دعائیہ تقاریب کا انعقاد کریں۔

انہوں مطالبہ کیا کہ صوبائی حکومت زخمیوں اور جاں بحق ہونے والوں کے لواحقین کے لیے فوری امداد کا اعلان کرے۔

اس خبر پر اپنی رائے کا اظہار کریں