سکردو : ترجمان مسلم لیگ ن بلتستان جی ایم راہی نے کہا ہے کہ خادم اعلیٰ گلگت بلتستان حافظ حفیظ الرحمٰن نے بلتستان کا کامیاب دورہ کیا،اس دوران انھوں نے کروڑوں لاگت کے اہم منصوبوں کا افتتاح کیا جن میںسرکاری ملازمین کے نئے کواٹرز، پی اینڈ ڈی ڈیپارٹمنٹ کے لئے نیا دفتر کا افتتاح، ڈی ایچ کیو ہسپتال سکردو کی جدید عمارات کا افتتاح، ڈی ایچ کیو ہسپتال سکردو میں نئے بلڈ بینک کا قیامحلقہ 2 میں ٹیوب ویلز کی تعمیر، کلفٹن پُل لنک روڈ، حسین آباد لنک روڈ، چومیک پُل روڈ، ایگریکلچر میں بک ویٹ پروسیسنگ یونٹس کا قیام،
پریس کلب سکردو کی نئی عمارت کا افتتاح، وزیر اعلیٰ خود روز گار کے تحت ہزاروں بیروزگار لوگوں کو بلا سود قرضوں کی فراہمی شامل ہے۔
انھوں نے کہا مسلم لیگ ن کہ صوبائی حکومت نے بلتستان ڈویژن میں تاریخ ساز ترقیاتی اور عوامی مفاد کے منصوبے مکمل کرائے جس پر بلتستان کے عوام حکومت کی کارکردگی سے مکمل مطمئن ہیں، آمدہ انتخابات میں مسلم لیگ ن اپنی اعلیٰ کاکردگی کی بنیاد پر گلگت بلتستان میں دوبارہ حکومت بنائے گی۔انھوں نے کہا وزیر اعلی بلتستان میں مزید منصوبوں کا افتتاح کریں گے۔
About The Author
