جمعیت علماء اسلام ضلع گلگت کا اسلام آباد آزادی مارچ کے سلسلے میں ورکرز کنونشن ، جمعیت علماءاسلام کے سینکڑوں کارکنوں ، علماء اور قائدین کی شرکت ، شرکاء کنونشن کااسلام آباد آزادی مارچ میں دیوانہ وار شرکت کے عزم کا اعلان ، جمعیت کے کارکنوں سے تحصیل جگلوٹ کےامیر مولانا محمد مصعب ملک ، تحصیل گلگت کے امیر مولانا محمد مشتاق ، تحصیل گلگت کے ڈپٹی جنرل سیکریٹری مولانا محمد فرقان ، ضلع غذر کے امیر مولانا فاروق افضل ، سابق امیر ضلع گلگت منہاج الدین ، ضلع گلگت کے موجودہ امیر و سابق صدر انجمن تاجران گلگت بلتستان حاجی جمعہ خان ، صوبائی سینئر نائب امیر و سابق پارلیمانی لیڈر جے یو آئی جی بی اسمبلی حاجی رحمت خالق ، نائب امیر جی بی مولانا عنایت اللہ میر اور صوبائی امیر جے یو آئی گلگت بلتستان مولانا عطاء اللہ شہاب نے جمعیت کے کارکنوں سے ولولہ انگیز خطاب کرتے ہوئے کہا کہ قائد جمعیت مولانا فضل الرحمان وقت کے یزید اعظم سے بر سر پیکار ہیں، اور تمام اسلامیان پاکستان ان کی کال پر لبیک کرتے ہوئے اسلامی قوانین کو خراب کرنے والی پی ٹی آئی حکومت کو گرانے کیلئے مولنا کی قیادت میں اسلام آباد آزادی مارچ میں بہرپور شرکت کریں گے،
انہوں نے کہا کہ پاکستانی ادارے ہمارے اپنے ادارے ہیں ، ہمارا مقابلہ صرف ناجائز حکومت سے ہے اور تمام دیگر سیاسی جماعتیں بھی اس حوالے سے مولانا فضل الرحمان صاحب کی قیادت پر متفق ہیں۔
About The Author
