ترجمان پاک فوج میجر جنرل آصف غفور کا کہنا ہے کہ اپوزیشن جان لے کہ فوج غیر جانب دار ادارہ ہے سڑکوں پر آکر الزام تراشی کرنا اچھا فعل نہیں۔
پاک فوج کے شعبہ تعلقات عامہ (آئی ایس پی آر) کے مطابق ترجمان پاک فوج میجر جنرل آصف غفور نے کہا ہے کہ اپوزیشن جان لے کہ فوج غیر جانب دار ادارہ ہے، فوج نے الیکشن میں آئینی اور قانون ذمہ داری پوری کی، اور ہمارا تعاون جمہوری طور پر منتخب حکومت کے ساتھ ہوتا ہے، مولانا فضل الرحمان بتادیں کہ ان کا اشارہ کس ادارے کی طرف ہے، سڑکوں پر آکر الزام تراشی کرنا اچھا فعل نہیں، حکومتی اور اپوزیشن کمیٹیاں بہتر طریقے سے کام کر رہی ہیں۔
ترجمان پاک فوج کا کہنا ہے کہ مولانا فضل الرحمان سینئر سیاست دان ہیں، انہیں پتہ ہے کہ پاکستان نے پچھلے 20 سال میں بہت مشکل وقت گزارا ہے، ملک کے استحکام کو نقصان پہنچانے کی کسی کواجازت نہیں دی جائے گی۔
میجر جنرل آصف غفور نے مزید کہا کہ اس وقت بھی لائن آف کنٹرول پر کشیدگی جاری ہے، بھارت نے جارحیت کی تو اس کو منہ توڑجواب دیا گیا اور ردالفساد آپریشن بھی مکمل طور پر جاری ہے۔
About The Author
