کراچی سے نگر جعفرآباد کے دو بھائی 14 اکتوبر سے لاپتا متاثرہ خاندان کا وزیر اعلیٰ گلگت بلتستان اور آئی جی سندھ سے نوٹس لینے کا مطالبہ
نگر جعفرآباد کے رہائشی دو بھائی، ساجد علی ولد صادق علی اور عسکری ولد صادق علی، 14 اکتوبر سے کراچی سے لاپتا ہیں۔ دونوں بھائی معمول کے مطابق گھر سے نکلے تھے تاہم اس کے بعد سے ان کا کوئی سراغ نہیں مل سکا۔
تفصیلات کے مطابق ساجد علی آن لائن روزگار سے وابستہ تھے جبکہ عسکری بسوں کی ٹکٹوں کی فروخت کرتے تھے۔ اہل خانہ کے مطابق متعدد بار متعلقہ تھانے اور اداروں سے رابطہ کیا گیا، لیکن تاحال کوئی پیشرفت سامنے نہیں آئی۔
متاثرہ خاندان نے وزیر اعلیٰ گلگت بلتستان حاجی گلبر خان، چیف سیکریٹری گلگت بلتستان اور آئی جی سندھ سے اپیل کی ہے کہ وہ فوری طور پر واقعے کا نوٹس لیں اور دونوں بھائیوں کی بازیابی کے لیے مؤثر اقدامات کریں۔
اہل خانہ نے کہا ہے کہ دو جوان بیٹوں کی گمشدگی نے پوری فیملی کو شدید ذہنی کرب میں مبتلا کر رکھا ہے، لہٰذا اعلیٰ حکام انسانی ہمدردی کی بنیاد پر فوری مداخلت کریں۔
About The Author
