گلگت (اسٹاف رپورٹر) سٹی پولیس گلگت نے سوشل میڈیا پر مذہبی منافرت اور فرقہ وارانہ مواد پھیلانے کے الزام میں ایک شخص کو گرفتار کر لیا ہے۔ پولیس ترجمان کے مطابق ایس ایچ او تھانہ سٹی گلگت اور اُن کے ہمراہ پولیس عملے نے بروقت کارروائی کرتے ہوئے ملزم فیضان اللہ سکنہ کنوداس گلگت کو حراست میں لے کر تھانہ منتقل کر دیا۔
واضع رہے کہ ملزم نے سوشل میڈیا فیسبک کے کمنٹ سیکشن میں گیارہویں امام حسن عسکری کی شان میں انتہائی گستاخانہ الفاظ استعمال کیے تھے
پولیس کے مطابق ملزم سوشل میڈیا پلیٹ فارمز پر اشتعال انگیز، مذہبی منافرت اور فرقہ وارانہ مواد شیئر کرنے میں ملوث تھا جس پر مقدمہ علت نمبر 171/2025 بجرائم ایکٹ توہین اہلِ بیت/صحابہ کے تحت تھانہ سٹی گلگت میں درج کر لیا گیا ہے۔ ملزم سے مزید تفتیش جاری ہے۔
ضلعی پولیس گلگت نے عوام سے اپیل کی ہے کہ سوشل میڈیا کا استعمال مثبت، تعمیری اور اخلاقی مقاصد کے لیے کریں اور معاشرتی ہم آہنگی، بھائی چارے اور امن و سکون کے فروغ میں اپنا کردار ادا کریں۔ ترجمان نے واضح کیا کہ مذہبی منافرت یا فرقہ وارانہ مواد پھیلانے والے عناصر کے خلاف قانون کے مطابق سخت کارروائی عمل میں لائی جائے گی۔
About The Author
