daily rehbar gb daily rahbar gilgit baltistan newspaper epaper of gilgit baltistan
غذر (محبت دانش سے) سابق چیئرمین ڈسٹرکٹ کونسل و رہنما پاکستان تحریک انصاف شیر جہان نے انکشاف کیا ہے کہ پھنڈر دس بیڈ ہسپتال کا میڈیکل آفیسر پھنڈر کی بجائے کئی اور ڈیوٹی دے رہا ہے۔ پورے تحصیل میں میڈیکل آفیسر موجود نہیں۔ محکمہ صحت کی غفلت اور من مانی کو برداشت نہیں کریں گے۔ غذر کے بالائی تحصیل پھنڈر میں صحت کے بنیادی سہولیات نہ ہونے کے برابر ہیں۔ اس کے باوجود پھنڈر ہسپتال کے میڈیکل آفیسر کو دوسرے علاقے میں تعینات کرنا سراسر ظلم ہے۔ انہوں نے کہا کہ پھنڈر عوام کی خاموشی سے فائدہ اٹھایا جارہا ہے۔
غذر کے دور افتادہ علاقہ پھنڈر میں صحت کی سہولیات کی طرف خصوصی توجہ دینا چاہیے کیونکہ یہاں دوسرے طبی مراکز موجود نہیں اور یہ علاقہ ہیڈکوارٹر سے بھی دور ہے۔ سردیوں میں یہاں دوسرے علاقوں سے زیادہ برف پڑتا ہے۔
حالیہ برفباری کے بعد بھی ضلعی انتظامیہ نے پھنڈر میں بحالی اور میڈیکل کیمپ لگانے کی زحمت نہیں کی۔ حالانکہ برفباری سے یہاں کے مکین زیادہ مشکلات میں تھیں۔ انہوں نے اعلیٰ حکام سے مطالبہ کیا ہے کہ وہ جلد میڈیکل آفیسر کی تعیناتی کو یقینی بنائے بصورتِ دیگر سخت احتجاج کرنے پر مجبور ہوں گے۔
About The Author
