گلگت(پریس ریلیز)اپوزیشن لیڈر گلگت بلتستان اسمبلی علامہ کاظم میثم کی زیر صدارت نگران وزیراعلیٰ متحدہ اپوزیشن کا اہم اجلاس جی بی ہاؤس گلگت میں منعقد ہوا۔ اجلاس میں کنوینئر سید سہیل عباس، ترجمان متحدہ اپوزیشن جاوید علی منوا، سینئر سیاستدان نواز خان ناجی، خواتین اراکین کلثوم فرمان اور کنیز فاطمہ نے بالمشافہ شرکت کی، جبکہ وزیر محمد سلیم، شیخ اکبر علی رجائی اور کرنل عبیداللہ بیگ نے آن لائن شرکت کی۔
اجلاس میں وزیر امور کشمیر و گلگت بلتستان امیر مقام کی جانب سے نگران وزیراعلیٰ کی تقرری کے سلسلے میں بلائے گئے اجلاس میں شرکت اور آئندہ کے لائحہ عمل پر تفصیلی غور و خوض کیا گیا۔
طویل مشاورت کے بعد متحدہ اپوزیشن نے آج کے اجلاس میں شرکت کا فیصلہ کیا۔ اس موقع پر اراکین نے اپوزیشن لیڈر کی مشاورتی اور جمہوری عمل کو آگے بڑھانے کی کاوشوں کو قابلِ تحسین قرار دیا اور کہا کہ گلگت بلتستان کی تاریخ میں پہلی مرتبہ اپوزیشن نے اسمبلی کے اندر اور باہر عوامی ترجمانی کا بھرپور کردار ادا کیا ہے۔
اپوزیشن لیڈر علامہ کاظم میثم نے کہا کہ ایم ڈبلیو ایم کی سیاسی کونسل اور متحدہ اپوزیشن کے مابین رائے کا متفق ہونا جمہوری عمل کے فروغ کی علامت ہے، اور دونوں فورمز کے ذریعے اس سلسلے کو مزید آگے بڑھانے پر اتفاق کیا گیا۔
About The Author
