تحصیل ہیڈکوارٹر ہسپتال تانگیر کی حالت قابل رحم، ایکسرے کےلیے بھی میلوں دور چلاس رخصت کرنا انتہائی افسوسناک ہے

تانگیر(بیورو رپورٹ) تحصیل ہیڈکوارٹر ہسپتال کی حالت قابل رحم ہیں، ڈاکٹرز کی جانب سے مریضوں کو ایکسرے کےلیے بھی میلوں دور چلاس رخصت کرنا انتہائی افسوسناک ہے، تفصیلات کےمطابق گزشتہ چار مہینوں سے ایکسرے مشین مکمل خراب ہے، ایک ایکسرے کے لیے بھی مریضوں نے چلاس جانا پڑتا ہے۔ ہسپتال میں ڈاکٹرز اور ادویات کی عدم دستیابی تو معمولی بات بن چکی ہے لیکن اب مریض پراسٹامول کی گولی اور ایکسرے کے لیے بھی ترس گئے ہیں، زرائع کے مطابق ایم ایس تحصیل ہیڈکوارٹر ہسپتال نے اپنے عملےسمت کرپشن کا بازار گرم کررکھا ہے اور ہزاروں بار عوامی شکایات کے باوجود کسی کی کان میں جوں نہیں رینگتی، ایم ایس ٹی ایچ کیو کی اس ظالمانہ خاموشی اور عوام تانگیر کے ساتھ کھلا مذاق پر عوام تانگیر میں سخت مایوسی کے ساتھ ساتھ شدید غصہ بھی پایا جاتا ہے، اس سنگین اور ظالمانہ اقدام کے بعد عوام تانگیر نے ایم ایس کو تانگیر بدر کرو تحریک کا باقاعدہ اغاز کرنے کی تیاری مکمل کرلی ہے، ضرورت اس امر کی ہے کہ حکام بالا نوٹس لیں اور ایم ایس کو کہیں اور بھیج دیں اور ہسپتال کی حالت بہتر بنائیں ورنہ حالات کنٹرول سے باہر جاسکتے ہیں