گلگت(اسپیشل رپورٹر)صوبائی صدر امجد حسین ایڈووکیٹ پاکستان پیپلزپارٹی گلگت بلتستان، جمیل احمد و دیگر صوبائی کابینہ شہید کرنل مجیب الرحمن بونجی استور اور روندو سکردو کے مقام پر کوسٹر حادثے میں قیمتی انسانی جانوں کے ضیاع پر دکھ اور غم کا اظہار کرتے ہیں۔ان سانحات کے حوالے سے آج پی پی پی کیمپ آفس راجہ بازار میں تعزیتی اجلاس منعقد ہوا۔تعزیتی اجلاس سےگفتگو کرتے ہوۓ صوبائی قاٸدین کا کہنا تھا کہ پیپلزپارٹی غم اور دکھ کی اس گھڑی میں غمزدہ خاندانوں کے غم میں برابر کی شریک ہے اور ساتھ کھڑی ہیں۔ راولپنڈی سکردو روڈ پر ٹریفک حادثات روز کا معمول بن چکا ہے باوجود اس کے حکومتی زمہ داران محض روایتی بیانات جاری کرکے عوام کو بیوقوف بنانے کی ناکام کوشش کرتے ہیں ستم ظریفی یہ ہے کہ حکومتی سطح پر ٹرانسپورٹ کنٹرول کرنے کے لیے کوئی ادارہ موجود ہی نہیں ہے حکومت فوری طور پر واقعہ کی عدالتی تحقیقات کروائے تاکہ زمہ داران کا تعین ہوسکے۔
اللّٰہ تعالیٰ حادثے کا شکار ھو نے والے تمام جاں بحق افراد کے درجات بلند فرمائے اور جنت الفردوس میں اعلیٰ مقام عطا فرمائے آمین
About The Author
