ہنزہ / گلگت سابق گورنر گلگت بلتستان میر غضنفر علی خان نے آئندہ عام انتخابات میں اپنے بڑے صاحبزادے میر سلیم خان کو ہنزہ سے امیدوار لانے کا فیصلہ کر لیا ہے۔ ذرائع کے مطابق میر غضنفر علی خان خود اپنے صاحبزادے کی انتخابی مہم کی قیادت کریں گے۔
سیاسی حلقوں کے مطابق پاکستان مسلم لیگ (ن) کے قائد میاں نواز شریف کی جانب سے ہنزہ میر محل کے دورے کے اعلان کے بعد ہنزہ کی سیاست میں نمایاں تبدیلیاں متوقع ہیں، جس سے آئندہ انتخابات میں حریف امیدواروں کے لیے مشکلات بڑھ سکتی ہیں۔
واضح رہے کہ میر فیملی کا ہنزہ سمیت گلگت بلتستان کی سیاست میں ہمیشہ اہم اور مؤثر کردار رہا ہے، اور حالیہ پیش رفت کو آئندہ انتخابی معرکے میں ایک بڑی سیاسی پیش قدمی قرار دیا جا رہا ہے
