پیپلز پارٹی کو حلقہ چار نگر میں بڑا سیاسی دھچکا
چھپروٹ سے بولئے فیملی اور نلت نگر کے استاد نظیم خان کی اسلامی تحریک میں شمولیت
نگر: حلقہ چار نگر میں پاکستان پیپلز پارٹی کو بڑا سیاسی دھچکا اس وقت لگا جب چھپروٹ سے معروف اور بااثر بولئے فیملی نے پیپلز پارٹی کو خیر باد کہہ کر اسلامی تحریک میں شمولیت اختیار کر لی۔ اس موقع پر علاقے میں سیاسی سرگرمیوں میں واضح تبدیلی دیکھنے میں آئی۔
اسی دوران نلت نگر سے پیپلز پارٹی کے سینئر رہنما اور اعلیٰ نمبردار استاد نظیم خان نے بھی پیپلز پارٹی سے علیحدگی اختیار کرتے ہوئے اسلامی تحریک میں باقاعدہ شمولیت کا اعلان کر دیا۔ استاد نظیم خان کی شمولیت کو حلقہ چار نگر کی سیاست میں نہایت اہم پیش رفت قرار دیا جا رہا ہے۔
اسلامی تحریک کے مقامی رہنماؤں نے نئے شامل ہونے والے رہنماؤں کا خیرمقدم کرتے ہوئے کہا کہ عوام اب نظریاتی سیاست کی طرف واپس آ رہے ہیں، اور اسلامی تحریک عوام کی امیدوں پر پورا اترنے کے لئے عملی جدوجہد جاری رکھے گی۔ سیاسی مبصرین کے مطابق ان اہم شمولیتوں سے حلقہ چار نگر میں سیاسی منظرنامہ تیزی سے تبدیل ہو رہا ہے جبکہ پیپلز پارٹی کو آئندہ انتخابی صورتحال میں شدید مشکلات کا سامنا ہو سکتا ہے۔
About The Author
