گلگت(پ،ر) پیپلز پارٹی گلگت بلتستان کی صوبائی سیکریٹری اطلاعات سعدیہ دانش نے گٹی داس بس حادثے پر گہرے دکھ اور افسوس کا اظہار کرتے ہوئے کہا کہ اس بڑے حادثے پر پورا گلگت بلتستان سوگوار ہے
پیپلز پارٹی گلگت بلتستان دکھُ کی اس گھڑی میں لواحقین کے غم میں برابر کی شریک ہے انہوں نے مزید کہا کہ اس حادثے میں ذخمیوں کی مدد اور خون کے عطیات پر دیامر کے عوام علماء اور نوجوانوں نے خدمت کی اعلیٰ مثال قائم کی ہے۔اس موقعے پر فورس کمانڈر اور پاک افواج کی پوری ٹیم بھی خراج تحسین کے مستحق ہیں جنہوں نے امدادی کاروائیوں میں بڑھ چڑھ کر حصہ لیا ۔پیپلز پارٹی کی صوبائی سیکریٹری اطلاعات نے پبلک سروس پر چلنے والی بسوں پر کئ سوالا ت اٹھاتے ہوئے کہا کہ گلگت بلتستان کے تمام اضلاع میں قائم بسوں اور گاڑیوں کے اسٹیشنوں کو محکمہ ایکسائز سے باقاعدہ این او سی کے بعد کھولنے کی اجازت دی جائے اور پبلک بسوں اور گاڑیوں میں ٹرین شدہ دو سے ذائد ڈروائیورز رکھا جائے تاکہ ڈروائیوروں کو بھی سفر میں مشکالات پیدا نہ ہو سکیں اسی طرح بسوں کی مینٹیننس کو بھی بہتر انداز میں چیک کیا جائے کھٹارہ بسوں کی وجہ سے ایسے واقعات رونما ہوتے ہیں ایکسائز اینڈ ٹیکسیشن کو چاہیے کہ وہ فوری طور پر اس اہم نوعیت کے مسلے پر موثر اور سنجیدہ اقدامات اٹھایں تاکہ آئندہ ایسے حادثات سے عوام بچ سکیں
About The Author
