چیف آرگنائزر سیف اللہ خان نیازی نے اس سلسلے میں ذمہ داران کو بھرپور تیاریوں کی ہدایت کر دی ہے۔ پاکستان تحریک انصاف گلگت بلتستان کے صوبائی سیکرٹری اطلاعات اکبر حسین اکبر کی جانب سے جاری کردہ پریس ریلیز کے مطابق سیف اللہ خان نیازی کی ہدایت پر پاکستان تحریک انصاف گلگت بلتستان بھرپور تیاریوں میں مصروف ہے۔
مرکزی جوائنٹ سیکرٹری کرنل (ر) امان اللہ جلسے کے انتظامات کی نگرانی کر رہے ہیں۔ جلسہ عام 4 اکتوبر کو دن اڑھائی بجے سکردو میونسپل کمیٹی گراؤنڈ میں منعقد کیا جائے گا۔
اس موقعہ پر چیف آرگنائزر سیف اللہ خان نیازی نے کہا کہ گلگت بلتستان پاکستان کا نہایت اہم حصہ ہے اور تحریک انصاف کا پیغام نہایت تیزی سے گلگت بلتستان میں پھیل رہا ہے۔
انھوں نے مذید کہا کہ 4 اکتوبر کو سکردو میونسپل کمیٹی گراؤنڈ میں گلگت بلتستان کی عوام وزیراعظم کا فقیدالمثال استقبال کریں گے۔اپنے تاریخی خطاب میں وزیراعظم گلگت بلتستان کی تعمیر و ترقی کا روڈ میپ عوام کے سامنے رکھیں گے۔
سیف اللہ خان نیازی خان نے گلگت بلتستان کے عوام کو جلسے میں بھرپور شرکت کی دعوت دی ہے۔
About The Author
