مسلم لیگ (ن) گلگت بلتستان کی سینئر رہنما اور سابق رکن اسمبلی رانی عتیقہ نے وفاقی وزیر امورِ کشمیر و گلگت بلتستان انجینئر امیر مقام سے ایک نمائندہ وفد کے ہمراہ ملاقات کی۔ ملاقات کے دوران رانی عتیقہ نے ہنزہ میں اضافی انتخابی حلقے کا پُرزور مطالبہ کرتے ہوئے کہا کہ ہنزہ کی بڑھتی ہوئی آبادی اور حلقے کی سیاسی و جغرافیائی اہمیت کے پیش نظر اضافی انتخابی حلقہ ناگزیر ہو چکا ہے۔
انہوں نے ہنزہ چپورسن کے زلزلہ متاثرین کی بحالی پر بھی زور دیتے ہوئے وفاقی وزیر کو متاثرہ علاقوں کے دورے کی دعوت دی۔ اس موقع پر وفاقی وزیر انجینئر امیر مقام نے جلد ہنزہ کا دورہ کرنے کا وعدہ کیا اور اضافی انتخابی حلقے کے قیام کے لیے کوششیں تیز کرنے کی یقین دہانی بھی کرائی۔
About The Author
