انٹرنیشنل کرکٹ کونسل نے بھارتی کپتان ویرات کوہلی کو جنوبی افریقا کے خلاف تیسرے ٹی 20 کے دوران آئی سی سی ضابطہ اخلاق کے لیول ون کی خلاف ورزی پر باضابطہ وارننگ دی ہے جبکہ ایک ڈی میرٹ پوائنٹ دے دیا ہے۔
ایک بیان میں آئی سی سی کا کہنا ہے کہ ویرات کوہلی آئی سی سی ضابطہ اخلاق کے آرٹیکل 2.12 کی خلاف ورزی کے مرتکب پائے گئے ہیں، جو بین الاقوامی میچ کے دوران کھلاڑیوں، امپائر ، میچ ریفری یاشائقین سمیت کسی دوسرے شخص کے ساتھ نامناسب فزیکل کانٹیکٹ سے متعلق ہے۔
بیان میں مزید کہا گیا ہے کہ کوہلی کے ڈسپلنری ریکارڈ میں ایک ڈی میرٹ پوائنٹ کا اضافہ بھی کردیا گیا ہے۔جو ستمبر 2016ء میں نظرثانی شدہ ضابطہ متعارف کرانے جانے کے بعد یہ تیسری خلاف ورزی ہے۔
بھارتی کپتان نے رن لیتے ہوئے جنوبی افریقا کے بولر بیورن ہینڈرکس سے ’’نامناسب‘‘ انداز میں کندھا ٹکرایا تھا۔
کوہلی کو اب تک تین ڈی میرٹ پوائنٹس مل چکے ہیں، اس سے قبل 15 جنوری 2018ء کو جنوبی افریقا کے خلاف پریٹوریا ٹیسٹ کے دوران جبکہ آئی سی سی کرکٹ ورلڈ کپ میں افغانستان کے خلاف 22جون 2019ء کو ڈی میرٹ پوائنٹ ملا تھا۔
واضح رہے کہ اگر کوئی کھلاڑی 24 ماہ کے دوران چار یا اُس سے زائد ڈی میرٹ پوائنٹس تک پہنچ جائے تو وہ معطلی پوائنٹس میں تبدیل کردیئے جاتے اور کھلاڑی پر پابندی عائد کردی جاتی ہے۔
دو معطلی پوائنٹس ایک ٹیسٹ یا دو ایک روزہ بین الاقوامی یا دو ٹی 20 میچز پر پابندی کے برابر ہوتے ہیں، ان میں جو پہلے آجائے
About The Author
