گلگت (نامہ نگار)تحصیل دنیور کے شروٹ محلہ سے تعلق رکھنے والا 15 سالہ لڑکا ارشاد حسین گزشتہ 25 اگست 2025 سے پراسرار طور پر لاپتہ ہے، تاہم پانچ ماہ گزرنے کے باوجود اس کا کوئی سراغ نہ مل سکا۔
لاپتہ بچے کے والد کی جانب سے دنیور تھانے میں باقاعدہ ایف آئی آر درج کرائی جا چکی ہے، مگر تاحال پولیس کی کوششوں کے باوجود ارشاد حسین کا پتہ نہیں چل سکا، جس کے باعث اہلِ خانہ شدید ذہنی کرب اور اضطراب کا شکار ہیں۔
ارشاد حسین کے والدین نے محکمہ پولیس اور ریاستی اداروں کے اعلیٰ حکام سے فوری نوٹس لینے اور بچے کی بازیابی کے لیے مؤثر اقدامات کرنے کی پرزور اپیل کی ہے۔ ان کا کہنا ہے کہ وقت گزرنے کے ساتھ ساتھ ان کی تشویش میں اضافہ ہو رہا ہے، اور انہیں خدشہ ہے کہ کہیں کوئی ناخوشگوار واقعہ پیش نہ آ جائے۔
لاپتہ بچے کے والد ابراہیم ولد دوست محمد ساکن استور، حال مقیم شروٹ محلہ تحصیل دنیور ضلع گلگت ہیں۔ انہوں نے عوام سے بھی اپیل کی ہے کہ اگر کسی کو ارشاد حسین کے بارے میں کوئی معلومات حاصل ہوں تو فوری طور پر درج ذیل نمبر پر اطلاع دیں تاکہ ایک بے چین خاندان کو سکون مل سکے۔
138
