ضلع استور کا بارڈر سے متصل گاوں قمری تھلی کے علاقہ میں پاک فوج نے حالیہ برفباری سے متاثرہ گاؤں میں ریسکیو اور ریلیف آپریشن

استور۔ ضلع استور کا بارڈر سے متصل گاوں قمری تھلی کے علاقہ میں پاک فوج نے حالیہ برفباری سے متاثرہ گاؤں میں ریسکیو اور ریلیف آپریشن کیا۔

آپریشن میں فورس کمانڈر نادردن ایریا میجر جنرل احسان محمود خان و دیگر پاک فوج کے افسران، جوانوں اور آرمی ایوی ایشن نے حصہ لیا۔
متاثرہ گاؤں میں دو افراد جاں بحق اور چار زخمی ہو گئے تھے۔
پاک فوج نے زخمیوں کو گلگت پہنچا دیا ہے جہاں وہ سی ایم ایچ میں زیر علاج ہیں۔
گاؤں میں راشن، ادویات اور دیگر امدادی سامان بھی پہنچا دیا گیا ہے۔
فورس کمانڈر نے علاقے کے لوگوں کو یقین دلایا کہ پاک فوج ہر مشکل گھڑی میں علاقے کے لوگوں کے ساتھ کھڑی ہو گی۔